ಮುಂಬೈ: ಇತ್ತೀಚೆಗಿನ ದಿನಗಳಲ್ಲಿ ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಒಂದಲ್ಲಾ ಒಂದು ಕಾರಣಕ್ಕೆ ಸುದ್ದಿಯಾಗುತ್ತಲೇ ಇದ್ದಾರೆ. ಇದೀಗ ಹೊಸದೊಂದು ಕಾರಣಕ್ಕೆ ಸುದ್ದಿಯಾಗಿದ್ದಾರೆ. ಅಮೂಲ್ ಈ ಇಬ್ಬರೂ ಹಾಟ್ ಜೋಡಿಗೆ ಮೋಸ್ಟ್ ಎಂಗೇಜಿಂಗ್ ಕಪಲ್ ಬಿರುದು ಕೊಟ್ಟಿದೆ.
ಜನವರಿ ಒಂದಕ್ಕೆ ಇಬ್ಬರೂ ನಿಶ್ಚಿತಾರ್ಥ ಮಾಡಿಕೊಳ್ಳುತ್ತಾರೆಂದು ಭಾರೀ ಸುದ್ದಿಯಾಗಿತ್ತು. ಕೊನೆಗೆ ಸ್ವತಃ ಕೊಹ್ಲಿಯೇ ಟ್ವಿಟರ್ ನಲ್ಲಿ ಸ್ಪಷ್ಟನೆ ನೀಡುವುದರೊಂದಿಗೆ ಇದೆಲ್ಲಾ ಸುಳ್ಳು ಸುದ್ದಿ ಎಂದು ಸ್ಪಷ್ಟವಾಯ್ತು. ಇದೀಗ ಅಮೂಲ್ ತನ್ನ ಹೊಸ ಕಾಮಿಕ್ ಕಾಲಂನಲ್ಲಿ ಇಬ್ಬರಿಗೂ ಭಾರತದ ಮೋಸ್ಟ್ ಎಂಗೇಜಿಂಗ್ ಕಪಲ್ ಎಂದು ಬಿರುದುಕೊಟ್ಟಿದೆ.
ಇತ್ತೀಚೆಗೆ ಅನುಷ್ಕಾ ತಮ್ಮ ಟ್ವಿಟರ್ ಪೇಜ್ ನಲ್ಲಿ ನವಿಲಿಗೆ ತಿನಿಸುವ ಫೋಟೋ ಪ್ರಕಟಿಸಿದ್ದರು. ಇದನ್ನೇ ತನ್ನ ಕಾಮಿಕ್ ಗೆ ಬಳಸಿಕೊಂಡಿರುವ ಅಮೂಲ್ ಇದೇ ಚಿತ್ರವನ್ನು ಬಿಡಿಸಿ ಎಂಗೇಜಿಂಗ್ ಕಪ್ ಟೈಟಲ್ ಕೊಟ್ಟಿದೆ. ಈ ಮೂಲಕ ಅಮೂಲ್ ಇವರ ನಿಶ್ಚಿತಾರ್ಥದ ಕುರಿತಾಗಿನ ಸುದ್ದಿಯನ್ನು ತಮಾಷೆಗಾಗಿ ಬಳಸಿಕೊಂಡಿದೆ. ನೆನಪಿರಲಿ, ಇದೆಲ್ಲಾ ಮಾಡಿದ್ದು ಕೇವಲ ತಮಾಷೆಗಾಗಿ!
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
