ಮುಂಬೈ: ಟೀಂ ಇಂಡಿಯಾ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ದಂಪತಿ ಎರಡನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ.
ಈ ನಡುವೆ ವಿರಾಟ್ ಕೊಹ್ಲಿ ವಮಿಕಾ ಹುಟ್ಟುವ ಮೊದಲು ಅನುಷ್ಕಾಗೆ ಮಾಡಿದ್ದ ಪ್ರಾಮಿಸ್ ಒಂದು ಎಲ್ಲಾ ಗಂಡಂದಿರಿಗೂ ಒಂದು ಪಾಠವಾಗಲಿದೆ. ಅನುಷ್ಕಾ ಮೊದಲ ಬಾರಿಗೆ ಗರ್ಭಿಣಿಯಾದಾಗ ವಿರಾಟ್ ಎಂದೂ ಮುರಿಯದ ಪ್ರಾಮಿಸ್ ಒಂದನ್ನು ಮಾಡಿದ್ದರಂತೆ.
ಅನುಷ್ಕಾ ಗರ್ಭಿಣಿಯಾದಾಗ ಕೊಹ್ಲಿ, ನಾನು ಎಂದೆಂದಿಗೂ ನಿನ್ನ ಜೊತೆಯೇ ಇರುತ್ತೇನೆ ಎಂದು ಪ್ರಾಮಿಸ್ ಮಾಡಿದ್ದರಂತೆ. ಎಷ್ಟೇ ಬ್ಯುಸಿಯಿದ್ದರೂ ವೈದ್ಯಕೀಯ ತಪಾಸಣೆಗೆ ಹೋಗುವಾಗ, ಡೆಲಿವರಿ ಸಂದರ್ಭದಲ್ಲಿ, ಮಧ‍್ಯರಾತ್ರಿ ಏನೋ ತಿನ್ನಬೇಕೆಂದು ಬಯಕೆಯಾದಾಗ ಸೇರಿದಂತೆ ಎಲ್ಲಾ ಸಂದರ್ಭದಲ್ಲಿಯೂ ಜೊತೆಗಿರುತ್ತೇನೆ ಎಂದು ಪ್ರಾಮಿಸ್ ಮಾಡಿದ್ದರಂತೆ.
ವಿರಾಟ್-ಅನುಷ್ಕಾ ಎಂಥಾ ಆದರ್ಶ ದಂಪತಿಗಳು ಎಂದು ಎಲ್ಲರಿಗೂ ಗೊತ್ತು. ಇಬ್ಬರೂ ಸದಾ ಒಬ್ಬರಿಗೊಬ್ಬರು ಬೆಂಬಲವಾಗಿರುತ್ತಾರೆ. ಕೊಹ್ಲಿಯ ಈ ಪ್ರಾಮಿಸ್ ಕೂಡಾ ಎಷ್ಟೋ ದಂಪತಿಗಳಿಗೆ ಆದರ್ಶವಾಗಿದೆ.
