ದುಬೈ: ಪಾಕಿಸ್ತಾನ ವಿರುದ್ಧ ಟಿ20 ವಿಶ್ವಕಪ್ ನಲ್ಲಿ ಸೋಲುಂಡ ಬಳಿಕ ಮಾಧ್ಯಮದ ಮುಂದೆ ಹಾಜರಾದ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಪ್ರಶ್ನೆಗಳ ಬಾಣವೇ ಎದುರಾಗಿದೆ.
ಈ ನಡುವೆ ಪಾಕ್ ಪತ್ರಕರ್ತನೊಬ್ಬ ಮುಂದಿನ ಪಂದ್ಯಕ್ಕೆ ರೋಹಿತ್ ಶರ್ಮಾರನ್ನು ಹೊರಗಿಟ್ಟು ಉತ್ತಮ ಫಾರ್ಮ್ ನಲ್ಲಿರುವ ಇಶಾನ್ ಕಿಶನ್ ರನ್ನು ಆಡಿಸುತ್ತೀರಾ ಎಂದು ಪ್ರಶ್ನೆ ಮಾಡಿದ್ದಾರೆ.
ಈ ಪ್ರಶ್ನೆ ಕೇಳಿದ ಪತ್ರಕರ್ತನ ನೋಡಿ ವ್ಯಂಗ್ಯವಾಗಿ ನಕ್ಕ ಕೊಹ್ಲಿ, ರೋಹಿತ್ ಟಿ20 ದಾಖಲೆಗಳನ್ನು ನೋಡಿದ ಮೇಲೂ ಈ ಪ್ರಶ್ನೆ ಕೇಳುತ್ತಿದ್ದೀರಾ? ಅವರನ್ನು ಹೊರಗಿಡಲು ಸಾಧ್ಯವೇ? ನಿಮಗೆ ಈ ವಿಷಯದಲ್ಲಿ ವಿವಾದ ಸೃಷ್ಟಿಸಬೇಕೆಂದು ಆಸೆಯಿದ್ದರೆ ಮೊದಲೇ ಹೇಳಿ. ಆ ರೀತಿಯೇ ಉತ್ತರ ಕೊಡುತ್ತೇನೆ’ ಎಂದ ಕೊಹ್ಲಿ ಅಬ್ಬಾ ಎಂಥಾ ಪ್ರಶ್ನೆ ಕೇಳುತ್ತೀರಿ ಎಂದು ಹಣೆ ಚಚ್ಚಿಕೊಂಡರು.
