ಮುಂಬೈ: ಆರ್ ಸಿಬಿ ನಾಯಕಿ, ಭಾರತ ಮಹಿಳಾ ಕ್ರಿಕೆಟ್ ತಂಡದ ಸ್ಟಾರ್ ಆಟಗಾರ್ತಿ ಸ್ಮೃತಿ ಮಂಧಾನ ಮತ್ತು ಗಾಯಕ ಪಾಲಾಶ್ ಮುಚ್ಚಲ್ ನಡುವಿನ ಪ್ರೇಮ ಸಂಬಂಧ ಈಗ ಗುಟ್ಟಾಗಿ ಉಳಿದಿಲ್ಲ. ಇಬ್ಬರೂ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವಿಶೇಷ ದಿನದ ಫೋಟೋ ಹಂಚಿಕೊಂಡಿದ್ದು ನೆಟ್ಟಿಗರು ನಮ್ಮ ಹೊಟ್ಟೆ ಉರಿಸಬೇಡಿ ಎಂದಿದ್ದಾರೆ.
ಪಾಲಾಶ್ ಮುಚ್ಚಲ್ ತಮ್ಮ ಇನ್ ಸ್ಟಾಗ್ರಾಂ ಪುಟದಲ್ಲಿ ಸ್ಮೃತಿ ಜೊತೆಗೆ ಕೇಕ್ ಕಟಿಂಗ್ ಮಾಡುವ ಸುಂದರ ಕ್ಷಣವನ್ನು ಹಂಚಿಕೊಂಡಿದ್ದಾರೆ. ಇನ್ನೊಂದು ಫೋಟೋದಲ್ಲಿ ಸ್ಮೃತಿಯನ್ನು ತಬ್ಬಿಕೊಂಡು ನಿಂತಿರುವ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋದ ಜೊತೆಗೆ ನಂಬರ್ 5 ಎಂದು ಅಡಿಬರಹ ಬರೆದಿದ್ದಾರೆ.
ಈ ಮೂಲಕ ತಮ್ಮಿಬ್ಬರ ಸಂಬಂಧಕ್ಕೆ 5 ವರ್ಷವಾಗಿದೆ ಎಂದು ಸಾರಿದ್ದಾರೆ. ಇದೇ ಖುಷಿಗೆ ಈ ಜೋಡಿ ಜೀವ ಕೇಕ್ ಕಟ್ ಮಾಡಿಕೊಂಡು ಸಂಭ್ರಮಿಸಿದೆ. ಇವರಿಬ್ಬರ ರೊಮ್ಯಾಂಟಿಕ್ ಫೋಟೋ ನೋಡಿ ನೆಟ್ಟಿಗರು ಉರಿದುಕೊಂಡಿದ್ದಾರೆ. ಸ್ಮೃತಿ ವಿಶ್ವ ಮಹಿಳಾ ಕ್ರಿಕೆಟಿಗರ ಪೈಕಿ ಮೋಸ್ಟ್ ಬ್ಯೂಟಿಫುಲ್ ಕ್ರಿಕೆಟ್ ಆಟಗಾರ್ತಿ. ಈಕೆಯ ಆಟದಷ್ಟೇ ಸೌಂದರ್ಯಕ್ಕೆ ಬೌಲ್ಡ್ ಆದವರು ಎಷ್ಟೋ ಮಂದಿ. ಈಕೆ ಮಹಿಳಾ ಕ್ರಿಕೆಟ್ ರಂಗದ ಕ್ರಶ್.
ಆದರೆ ಸ್ಮೃತಿಗೆ ಬಾಯ್ ಫ್ರೆಂಡ್ ಇರುವ ವಿಚಾರ ಇತ್ತೀಚೆಗೆ ಡಬ್ಲ್ಯುಪಿಎಲ್ ಟೂರ್ನಿ ವೇಳೆ ಬಹಿರಂಗವಾಗಿತ್ತು. ಆಗಲೇ ಅಭಿಮಾನಿಗಳ ಎದೆಯೊಡೆದು ಹೋಗಿತ್ತು. ಇದೀಗ ಪದೇ ಪದೇ ಸ್ಮೃತಿ ಮತ್ತು ಪಾಲಾಶ್ ತಮ್ಮ ಕಪಲ್ ಫೋಟೋ ಹಾಕುವುದನ್ನು ನೋಡಿ ಫ್ಯಾನ್ಸ್ ಮತ್ತಷ್ಟು ಉರಿದುಕೊಂಡಿದ್ದಾರೆ. ನೀವು ಮದುವೆಯಾಗುವುದಿದ್ದರೆ ಬೇಗ ಮದುವೆಯಾಗಿ. ಇಂತಹ ಫೋಟೋಗಳನ್ನು ಹಾಕಿ ನಮ್ಮ ಹೊಟ್ಟೆ ಉರಿಸಬೇಡಿ ಎಂದು ಅಲವತ್ತುಗೈದಿದ್ದಾರೆ.
