ರಾಷ್ಟ್ರೀಯ ತಂಡದ ಪರ ಆಡುವಾಗ ಗಾಯದ ನೆಪ ಹೇಳುವ ಟೀಂ ಇಂಡಿಯಾ ಕ್ರಿಕೆಟಿಗರಿಗೆ ರವಿಶಾಸ್ತ್ರಿ ವ್ಯಂಗ್ಯ

ಮುಂಬೈ: ಟೀಂ ಇಂಡಿಯಾ ಕೋಚ್ ಸ್ಥಾನದಿಂದ ಕೆಳಗಿಳಿದ ಮೇಲೆ ಇದೀಗ ಕಾಮೆಂಟೇಟರ್ ಆಗಿ ಐಪಿಎಲ್ ಗೆ ಪುನರಾಗಮನ ಮಾಡಲಿರುವ ರವಿಶಾಸ್ತ್ರಿ ಆಟಗಾರರ ಗಾಯದ ಬಗ್ಗೆ ವ್ಯಂಗ್ಯ ಮಾಡಿದ್ದಾರೆ.

ಟೀಂ ಇಂಡಿಯಾ ಪರ ಆಡುವಾಗ ಕ್ರಿಕೆಟಿಗರಿಗೆ ಪದೇ ಪದೇ ಗಾಯವಾಗುತ್ತದೆ. ಆದರೆ ಐಪಿಎಲ್ ನಲ್ಲಿ ಆಡುವಾಗ ಗಾಯದ ಸಮಸ್ಯೆಯೇ ಬರಲ್ಲ. ಈ ಬಗ್ಗೆ ರವಿಶಾಸ್ತ್ರಿ ವ್ಯಂಗ್ಯ ಮಾಡಿದ್ದಾರೆ.

ಐಪಿಎಲ್ ಆಟಗಾರರಿಗೆ ಚಿಕಿತ್ಸೆ ನೀಡುವ ಫಿಸಿಯೋ ರೀತಿ ಎಂದು ಪರೋಕ್ಷವಾಗಿ ಆಟಗಾರರಿಗೆ ಟಾಂಗ್ ಕೊಟ್ಟಿದ್ದಾರೆ ರವಿಶಾಸ್ತ್ರಿ. ಐಪಿಎಲ್ ಗೆ ಮೊದಲು ನಡೆದ ಲಂಕಾ ವಿರುದ್ಧದ ಸರಣಿಯಲ್ಲಿ ಕೆಎಲ್ ರಾಹುಲ್, ಋತುರಾಜ್ ಗಾಯಕ್ ವಾಡ್, ಸೂರ್ಯಕುಮಾರ್ ಯಾದವ್ ಮುಂತಾದ ಹಲವು ಆಟಗಾರರು ಗಾಯದ ನೆಪವೊಡ್ಡಿ ಹೊರಗುಳಿದಿದ್ದರು. ಇದಕ್ಕೂ ಮೊದಲು ಐಪಿಎಲ್ ಆರಂಭಕ್ಕೆ ಮುನ್ನ ಹಲವು ಬಾರಿ ಇದೇ ರೀತಿ ಆಗಿದೆ. ಹೀಗಾಗಿ ರವಿಶಾಸ್ತ್ರಿ ಹೇಳಿಕೆ ಹೊಸ ಚರ್ಚೆಗೆ ನಾಂದಿ ಹಾಡಿದೆ.