ಮುಂಬೈ: ಟೀಂ ಇಂಡಿಯಾ ಕ್ರಿಕೆಟಿಗ ಹಾರ್ದಿಕ್ ಪಾಂಡ್ಯ ಮತ್ತು ನತಾಶಾ ದಾಂಪತ್ಯದಲ್ಲಿ ಬಿರುಕು ಮೂಡಿದ್ದು ಸದ್ಯದಲ್ಲೇ ಇಬ್ಬರೂ ವಿಚ್ಛೇದನಕ್ಕೊಳಗಾಗಲಿದ್ದಾರೆ ಎಂಬ ಸುದ್ದಿ ಈಗ ಜೋರಾಗಿ ಹರಿದಾಡುತ್ತಿದೆ.
ಕಳೆದ ಎರಡು ದಿನಗಳಿಂದ ಇಬ್ಬರ ದಾಂಪತ್ಯದಲ್ಲಿ ಬಿರುಕುಂಟಾಗಿರುವ ಸುದ್ದಿ ಕೇಳಿಬರುತ್ತಿದೆ. ಇದುವರೆಗೆ ಹಾರ್ದಿಕ್ ಆಗಲೀ, ನತಾಶಾ ಆಗಲೀ ಈ ಸುದ್ದಿಯನ್ನು ಅಲ್ಲಗಳೆದಿಲ್ಲ ಅಥವಾ ಹೌದು ಎಂದೂ ಹೇಳಿಲ್ಲ. ಆದರೆ ಇಬ್ಬರ ನಡುವಿನ ಸೋಷಿಯಲ್ ಮೀಡಿಯಾ ಚಟುವಟಿಕೆಗಳು ನೋಡುತ್ತಿದ್ದರೇ ಇಬ್ಬರೂ ಬೇರೆಯಾಗುತ್ತಿರುವುದು ನಿಜ ಎನ್ನಲಾಗಿದೆ.
ಇದೀಗ ಹಾರ್ದಿಕ್-ನತಾಶಾ ದೂರವಾದರೆ ಇಬ್ಬರ ನಡುವೆ ಸೆಟ್ಲ್ ಮೆಂಟ್ ಯಾವ ರೀತಿ ನಡೆಯಲಿದೆ ಎಂಬ ಬಗ್ಗೆ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ಚರ್ಚೆಯಾಗುತ್ತಿದೆ. ವಿಚ್ಛೇದನದ ಸಂದರ್ಭದಲ್ಲಿ ಪುರುಷರು ಹೆಚ್ಚು ನಷ್ಟ ಅನುಭವಿಸುವುದು ಸಾಮಾನ್ಯ. ಈಗ ಹಾರ್ದಿಕ್ ಕತೆಯೂ ಇದೇ ಆಗಲಿದೆ.
ಹಾರ್ದಿಕ್ ಪಾಂಡ್ಯ ನೆಟ್ ವರ್ತ್ ಸುಮಾರು 175 ಕೋಟಿ ರೂ.ಗಳಷ್ಟಿದೆ. ಒಂದು ವೇಳೆ ದಂಪತಿ ದೂರವಾದರೆ ಹಾರ್ದಿಕ್ ಪತ್ನಿ ನತಾಶಾಗೆ ತಮ್ಮ ಸಂಪತ್ತಿನ ಶೇ.70 ರಷ್ಟು ಭಾಗ ನೀಡಬೇಕಾಗುತ್ತದೆ. ಅಂದರೆ ಕೇವಲ 30 ಶೇಕಡಾ ಮಾತ್ರ ಹಾರ್ದಿಕ್ ಪಾಲಿಗೆ ಉಳಿಯಲಿದೆ. ಯಾವತ್ತೂ ವಿದೇಶೀ ಹುಡುಗಿಯರನ್ನು ನಂಬಿ ಮದುವೆಯಾಗಬೇಡಿ. ಇದಕ್ಕೆ ಶಿಖರ್ ಧವನ್ ಕೂಡಾ ಉತ್ತಮ ಉದಾಹರಣೆ ಎಂದು ನೆಟ್ಟಿಗರು ಅಭಿಪ್ರಾಯಪಟ್ಟಿದ್ದಾರೆ. ಶಿಖರ್ ಧವನ್ ಕೂಡಾ ಆಸ್ಟ್ರೇಲಿಯಾ ಮೂಲದ ಪತ್ನಿ ಆಯೆಷಾರಿಂದ ವಿಚ್ಛೇದನಕ್ಕೊಳಗಾಗಿದ್ದಾರೆ. ಈ ವೇಳೆ ಅವರು ಭಾರೀ ಮೌಲ್ಯದ ಆಸ್ತಿ ಜೊತೆಗೆ ಮಗನನ್ನೂ ಪತ್ನಿಗೆ ಬಿಟ್ಟುಕೊಡಬೇಕಾಗಿ ಬಂದಿತ್ತು. ಈಗ ಹಾರ್ದಿಕ್ ಕತೆಯೂ ಅದೇ ಆಗಲಿದೆ ಎನ್ನಲಾಗುತ್ತಿದೆ.
