ಚೆನ್ನೈ: ಎರಡು ವರ್ಷಗಳ ನಿಷೇಧ ಶಿಕ್ಷೆ ಮುಗಿಸಿ ಈ ವರ್ಷ ಐಪಿಎಲ್ ಕಣಕ್ಕೆ ಮರಳಿರುವ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಆಟಗಾರರು ಭಾರೀ ಖುಷಿಯಲ್ಲಿದ್ದಾರೆ. ಅವರು ಲವ ಲವಿಕೆಯಿಂದಿರಲು ಈ ಹುಡುಗಿಯೂ ಕಾರಣವಾಗಿದ್ದಾಳೆ!
ಹುಡುಗಿ ಎಂದಾಕ್ಷಣ ಅಚ್ಚರಿಪಡಬೇಕಾಗಿಲ್ಲ. ಚೆನ್ನೈ ಸೂಪರ್ ಕಿಂಗ್ಸ್ ತಂಡಕ್ಕೆ ಸದ್ಯಕ್ಕೆ ಮನರಂಜನೆ ನೀಡುತ್ತಿರುವ ಈ ಹುಡುಗಿ ನಾಯಕ ಧೋನಿ ಪುತ್ರಿ ಜೀವಾ.
ಧೋನಿ ಜತೆಗೆ ಪತ್ನಿ ಸಾಕ್ಷಿ ಮತ್ತು ಜೀವಾ ಕೂಡಾ ಜತೆಯಾಗಿದ್ದಾರೆ. ಚೆನ್ನೈ ತಂಡ ಬೇರೆ ಬೇರೆ ಪಂದ್ಯಗಳಿಗೆ ಒಂದು ಸ್ಥಳದಿಂದ ಇನ್ನೊಂದು ಸ್ಥಳಕ್ಕೆ ಪ್ರಯಾಣ ಬೆಳೆಸುವಾಗ ಜೀವಾ ಕೂಡಾ ಅಪ್ಪನಿಗೆ ಜತೆಯಾಗುತ್ತಿದ್ದಾಳೆ.
ಈ ಸಂದರ್ಭದಲ್ಲಿ ಚೆನ್ನೈ ಆಟಗಾರರನ್ನೆಲ್ಲಾ ತನ್ನ ಫ್ರೆಂಡ್ ಮಾಡಿಕೊಂಡಿದ್ದಾಳೆ. ಹರ್ಭಜನ್ ಸಿಂಗ್ ರಿಂದ ಹಿಡಿದು, ವಿದೇಶೀ ಆಟಗಾರರಾದ ಬ್ರಾವೋ, ಪ್ಲೆಸಿಸ್ ಎಲ್ಲರೂ ಈಗ ಜೀವಾಗೆ ಫ್ರೆಂಡ್ಸ್ ಆಗಿದ್ದಾರೆ. ಇವರೆಲ್ಲರ ಜತೆಗೆ ಆರಾಮವಾಗಿ ಕಾಲ ಕಳೆಯುತ್ತಾ ಚೆನ್ನೈ ತಂಡದ ಕೇಂದ್ರ ಬಿಂದುವಾಗಿದ್ದಾಳೆ ಜೀವಾ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
