ಮುಂಬೈ: ಪಾಕಿಸ್ತಾನ ಕ್ರಿಕೆಟ್ ತಂಡ ಪ್ರವಾಸ ಮಾಡುವಲ್ಲೆಲ್ಲಾ ಜತೆಗೇ ಸಾಗುವ ಅಧಿಕೃತ ಅಭಿಮಾನಿ ಬಶೀರ್ ಚಾಚಾ ಏಷ್ಯಾ ಕಪ್ ಫೈನಲ್ ನಲ್ಲಿ ಭಾರತದ ಜೆರ್ಸಿ ತೊಡುವಂತೆ ಧೋನಿ ಮಾಡಿದ್ದರು ಎನ್ನುವ ವಿಚಾರ ಬಹಿರಂಗವಾಗಿದೆ.
ಬಾಂಗ್ಲಾದೇಶ ವಿರುದ್ಧದ ಏಷ್ಯಾ ಕಪ್ ಫೈನಲ್ ಪಂದ್ಯದಲ್ಲಿ ಪಾಕ್ ಅಭಿಮಾನಿ ಬಶೀರ್ ಭಾರತ ತಂಡದ ಜೆರ್ಸಿ ತೊಟ್ಟು ರೋಹಿತ್ ಶರ್ಮಾ ಬಳಗವನ್ನು ಬೆಂಬಲಿಸಿದ್ದರು. ಟೀಂ ಇಂಡಿಯಾ ಆಟಗಾರರ ಜತೆಗೆ ಉತ್ತಮ ಬಾಂಧವ್ಯವಿಟ್ಟುಕೊಂಡಿರುವ ಬಶೀರ್ ಚಾಚಾಗೆ ಈ ಜೆರ್ಸಿ ತೊಡಲು ಪ್ರೇರಣೆಯಾಗಿದ್ದು ಧೋನಿಯಂತೆ.
ಏಷ್ಯಾ ಕಪ್ ಫೈನಲ್ ಗೂ ಮೊದಲು ಧೋನಿ ಬಶೀರ್ ಚಾಚಾ ಹೋಟೆಲ್ ಕೊಠಡಿಗೆ ತೆರಳಿ ಟೀಂ ಇಂಡಿಯಾ ಜೆರ್ಸಿಯನ್ನು ಉಡುಗೊರೆಯಾಗಿ ಕೊಟ್ಟು ನಾಳಿನ ಪಂದ್ಯದಲ್ಲಿ ಇದನ್ನೇ ತೊಡುವಂತೆ ಹೇಳಿದ್ದರಂತೆ. ಅದೇ ಕಾರಣಕ್ಕೆ ಪಾಕ್ ಅಪ್ಪಟ ಅಭಿಮಾನಿ ಭಾರತೀಯ ಜೆರ್ಸಿಯಲ್ಲಿ ಮಿಂಚಿದ್ದರು ಎಂಬ ಅಂಶ ಇದೀಗ ಬೆಳಕಿಗೆ ಬಂದಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
