‘ಶಾರುಖ್ ಖಾನ್ ರ ಫೇರ್ ನೆಸ್ ಜಾಹೀರಾತು ಜನಾಂಗೀಯ’

ಮುಂಬೈ: ಟಿವಿಯಲ್ಲಿ ಬರುವ ಫೇರ್ ನೆಸ್ ಕ್ರೀಂ ಜಾಹೀರಾತುಗಳಲ್ಲಿ ಆಯಾ ಕ್ರೀಂ ಹಚ್ಚಿದರೆ, ಬೆಳ್ಳಗಾಗುತ್ತೀರಿ ಎಂದು ನಟರು ಹೇಳಿಕೊಳ್ಳುವುದು ಸಹಜ. ಆದರೆ ಇದೆಲ್ಲಾ ಜನಾಂಗೀಯ ಮತ್ತು ಜನರನ್ನು ತಪ್ಪು ದಾರಿಗೆಳೆಯುವಂತದ್ದು ಎಂದು ಬಾಲಿವುಡ್  ನಟ ಅಭಯ್ ಡಿಯೋಲ್ ಹೇಳಿದ್ದಾರೆ.

ಇಂತಹ ಜಾಹೀರಾತುಗಳ ಮೂಲಕ ಬಾಲಿವುಡ್ ಬಾದ್ ಶಹಾ ಶಾರುಖ್ ಖಾನ್  ಹಾಗೂ ಇತರರು ಜನರನ್ನು ತಪ್ಪು ದಾರಿಗೆಳೆಯುತ್ತಿದ್ದಾರೆ. ಅಲ್ಲದೆ, ಇದು ಕರಿಯರು, ಬಿಳಿಯರು ಎಂದು ಬೇದ ಮಾಡಿ ಜನಾಂಗೀಯ ನಿಂದನೆ ಮಾಡಲಾಗುತ್ತದೆ ಎಂದು ಅವರು ಫೇಸ್ ಬುಕ್ ನಲ್ಲಿ ಆರೋಪಿಸಿದ್ದಾರೆ.

ನಮ್ಮದು ಜನಾಂಗೀಯ ತಾರತಮ್ಯ ಮಾಡುವ ರಾಷ್ಟ್ರವಲ್ಲ ಎಂದು ಅಭಯ್ ನಟರಿಗೆ ತಪರಾಕಿ ನೀಡಿದ್ದಾರೆ. ಹಿಂದೊಮ್ಮೆ ಮಲಯಾಳಂ ನಟ ಮಮ್ಮೂಟ್ಟಿ ವಿರುದ್ಧ ಇದೇ ವಿಚಾರಕ್ಕೆ ಸಂಬಂಧಿಸಿದಂತೆ ಕೋರ್ಟ್ ಮೆಟ್ಟಿಲೇರಿದ್ದರು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ