ತಮ್ಮ ಅಭಿನಯ, ಆಕ್ಷನ್ ಮೂಲಕ ಅಭಿಮಾನಿಗಳ ಹೃದಯದಲ್ಲಿ ಸ್ಥಾನ ಸಂಪಾದಿಸಿಕೊಂಡಿರುವ ನಟ ಬಾಲಿವುಡ್ ಬಾದ್ ಶಾ ಶಾರುಖ್ ಖಾನ್. ಸಾಕಷ್ಟು ಪ್ರಶಸ್ತಿ ಪುರಸ್ಕಾರಗಳನ್ನು ಪಡೆದಿರುವಂತ ನಟ. ಸ್ವದೇಶ್, ಚಕ್ ದೇ ಇಂಡಿಯಾ ತರದ ಅದ್ಭುತ ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಆದರೂ ಒಂದೇ ಒಂದು ಪ್ರಶಸ್ತಿ ಮಾತ್ರ 51ರ ಹರೆಯದ ನಟನಿಗೆ ಇನ್ನೂ ಸಿಕ್ಕಿಲ್ಲ.
ಅದೇ ರಾಷ್ಟ್ರಪ್ರಶಸ್ತಿ. ಶಾರುಖ್ ಖಾನ್ ಇತ್ತೀಚೆಗೆ ಮುಂಬೈನಲ್ಲಿ ಇಂಡಿಯನ್ ಅಕಾಡೆಮಿ ಪ್ರಶಸ್ತಿಗಳನ್ನು ಪ್ರಾರಂಭಿಸಿದರು. ಈ ಸಂದರ್ಭದಲ್ಲಿ ಅವರು ಮಾತನಾಡುತ್ತಾ, "ನನಗೆ ಇನ್ನೂ ಈ ಪ್ರಶಸ್ತಿ ಸಿಕ್ಕಿಲ್ಲ. ಬಹುಶಃ ನಾನದಕ್ಕೆ ಅರ್ಹನಲ್ಲವೇನೋ ಅನ್ನಿಸುತ್ತೆ. ನನ್ನ ಚಿತ್ರಗಳೆಲ್ಲಾ ರಾಷ್ಟ್ರಪ್ರಶಸ್ತಿಗೆ ದೂರವಾಗಿ ಇದ್ದಾವೇನೋ" ಎಂದಿದ್ದಾರೆ.
ರಾಷ್ಟ್ರಪ್ರಶಸ್ತಿ ಬಂದ ಬಳಿಕ ಸಿನಿಮಾಗಳಿಂದ ನಿವೃತ್ತಿ ಪಡೆಯುತ್ತೀರಾ? ಎಂದು ಪತ್ರಕರ್ತರು ಕೇಳಿದ್ದಕ್ಕೆ, "ನಾನು ಇದುವರೆಗೂ ಅದನ್ನು ಪಡೆದಿಲ್ಲವಲ್ಲ" ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಶಾರುಖ್ ಖಾನ್ ಅಭಿನಯದ 15 ಚಿತ್ರಗಳಿಗೆ ಫಿಲಂಫೇರ್, ಇದರಲ್ಲಿ 8 ಅತ್ಯುತ್ತಮ ನಟ ಪ್ರಶಸ್ತಿಗಳಿವೆ.
1992ರಲ್ಲಿ ದಿವಾನಾ ಚಿತ್ರದ ಮೂಲಕ ಬಾಲಿವುಡ್‌ಗೆ ಅಡಿಯಿಟ್ಟ ಶಾರುಖ್ ಖಾನ್, ಆ ಬಳಿಕ ಅದೆಷ್ಟೋ ಚಿತ್ರಗಳಲ್ಲಿ ಅಭಿನಯಿಸಿದರು. ಈ ವರ್ಷ ಫ್ಯಾನ್, ಡಿಯರ್ ಜಿಂದಗಿ ಚಿತ್ರಗಳ ಮೂಲಕ ಪ್ರೇಕ್ಷಕರ ಮುಂದೆ ಬಂದಿದ್ದಾರೆ. ಮುಂದಿನ ವರ್ಷ ’ರಯೀಸ್’ ಚಿತ್ರ ಇದೆ. ನಟನಾಗಿ ಮುಂದುವರೆಯುವುದು ಇಷ್ಟ. ಪ್ರಶಸ್ತಿಗಳೂ ಇಷ್ಟ. ಆದರೆ ಪ್ರಶಸ್ತಿಗಾಗಿ ಅಭಿನಯಿಸಲ್ಲ ಎಂದಿದ್ದಾರೆ ಕಿಂಗ್ ಖಾನ್.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
