ಸಲ್ಮಾನ್ ಖಾನ್ ಪ್ರಿಯಾಂಕ ಚೋಪ್ರಾ ಮೇಲೆ ಸಿಟ್ಟಾಗಿ ಹೇಳಿದ್ದೇನು ಗೊತ್ತೇ?

ಮುಂಬೈ: ಮದುವೆಯ ಕಾರಣ ನೀಡಿ ಭಾರತ್‌ ಸಿನಿಮಾದಿಂದ ಹೊರಬಂದು ಆಮೇಲೆ ಹಾಲಿವುಡ್‌ ಪ್ರಾಜೆಕ್ಟ್ ಒಪ್ಪಿದ ಪ್ರಿಯಾಂಕ ಚೋಪ್ರಾ ಮೇಲೆ ಸಲ್ಮಾನ್‌ ಖಾನ್‌ ಬೇಸರಗೊಂಡಿದ್ದಾರಂತೆ.

ಪ್ರಿಯಾಂಕ ನಿರ್ಧಾರದ ಬಗ್ಗೆ ನನಗೆ ಸಂತೋಷವಿದೆ. ಆದರೆ ಆಕೆ ಮೊದಲೇ ಹಾಲಿವುಡ್‌ನ ಬಿಗ್‌ ಸಿನಿಮಾ ಆಫರ್‌ ಸಿಕ್ಕಿರುವ ಕಾರಣ ಹೇಳಿದ್ದರೆ ನಾವು ಆಕೆಯನ್ನು ತಡೆಯುತ್ತಲೇ ಇರಲಿಲ್ಲ. ಅದರ ಶೂಟಿಂಗ್‌ ಆರಂಭವಾದ ಮೇಲೆಯೇ ನಮಗೆ ನಿಜ ವಿಷಯ ಗೊತ್ತಾಗಿದ್ದು ಎಂದು ಸಲ್ಮಾನ್‌ ಖಾನ್‌ ಹೇಳಿದ್ದಾರೆ.

ಪ್ರಿಯಾಂಕರಿಗೆ ಭಾರತದಲ್ಲಿ ಕೆಲಸ ಮಾಡಲು ಇಷ್ಟವಿಲ್ಲವೋ ಅಥವಾ ನನ್ನ ಜೊತೆ ಕೆಲಸ ಮಾಡಲು ಇಷ್ಟವಿಲ್ಲವೋ ಅಥವಾ ಅವರು ಹಾಲಿವುಡ್‌ ಸಿನಿಮಾ ಮತ್ತು ಟೀವಿ ಶೋಗಳಲ್ಲಿ ಮಾತ್ರ ನಟಿಸಲು ನಿರ್ಧರಿಸಿದ್ದಾರೋ ಗೊತ್ತಿಲ್ಲ. ಅವರ ಸ್ವಂತ ನಿರ್ಧಾರಗಳ ಬಗ್ಗೆ ನಾನೇನೂ ಹೇಳುವುದಿಲ್ಲ. ಅವರಿಗೆ ಸಲ್ಮಾನ್‌ ಖಾನ್‌ ಜೊತೆಗೆ ಕೆಲಸ ಮಾಡಲು ಇಷ್ಟವಿಲ್ಲದಿದ್ದರೆ ಪರವಾಗಿಲ್ಲ, ಕನಿಷ್ಠ ಪಕ್ಷ ಅವರು ಹಾಲಿವುಡ್‌ನ ದೊಡ್ಡ ಹೀರೊ ಜೊತೆಗಾದರೂ ನಟಿಸುತ್ತಿದ್ದಾರೆ ತಾನೇ ಎಂದು ಸಲ್ಮಾನ್ ಖಾನ್ ಹೇಳಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ