ಮುಂಬೈ : ಬಾಲಿವುಡ್ ಹಿರಿಯ ನಟ ಅನಿಲ್ ಕಪೂರ್ ಅವರ ಮಗಳು ಸೋನಂ ಕಪೂರ್ ಮದುವೆ ಇಂದು (ಮೇ 8 ರಂದು) ನಡೆಯುತ್ತಿದ್ದು, ಈ ಮದುವೆಗೆ ಬಾಲಿವುಡ್ ನಟಿಯೊಬ್ಬರು ಹೋಗುತ್ತಿಲ್ಲವಂತೆ.
ನಟಿ ಸೋನಂ ಕಪೂರ್ ಅವರ ಮದುವೆಗೆ ಇಡೀ ಬಾಲಿವುಡ್ ಸಿನಿಮಾ ತಾರೆಯರ ದಂಡೆ ಸಾಗುತ್ತಿದ್ದು, ಆದರೆ ನಟಿ ಕರೀನಾ ಕಪೂರ್ ಅವರು ಮಾತ್ರ ಹೋಗುತ್ತಿಲ್ಲವಂತೆ. ಕಾರಣವೆನೆಂದರೆ ಅವರು 'ವೀರೆ ದಿ ಕಿ ವೆಡ್ಡಿಂಗ್' ಪ್ರಮೋಶನ್ ನಲ್ಲಿ ಬ್ಯುಸಿಯಾಗಿದ್ದಾರೆ. ಆದ್ದರಿಂದ ಸೋನಮ್ ಮದ್ವೆಗೆ ಕರೀನಾ ಹೋಗಲು ಸಾಧ್ಯವಾಗದೇ ಇರುವುದರಿಂದ ಅದರ ಬದಲು 8 ಗಂಟೆಯ ನಂತರ ಅಂಧೇರಿಯಲ್ಲಿರುವ ಪಂಚತಾರಾ ಹೋಟೆಲ್ ಲೀಲಾದಲ್ಲಿ ನಡೆಯುವ ರಿಸೆಪ್ಷನ್ ಸಮಾರಂಭಕ್ಕೆ ಹಾಜರಾಗಲಿದ್ದಾರೆ ಎಂಬುದಾಗಿ ತಿಳಿದುಬಂದಿದೆ.
