ಮುಂಬೈ: ಪ್ರಿಯಾಂಕಾ ಚೋಪ್ರಾ ಸಮಾಜಮುಖಿಯಾಗಿ ಹಲವು ಕೆಲಸಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಅದನ್ನೂ ಜನ ಗಮನಿಸಬೇಕು. ಕೇವಲ ಅವರ ಬಟ್ಟೆಯನ್ನು ನೋಡಿ ಅವರ ಬಗ್ಗೆ ತೀರ್ಮಾನಕ್ಕೆ ಬರುವುದು ಸರಿಯಲ್ಲ’ ಎಂದು ನಟಿ ಸನ್ನಿ ಲಿಯೋನ್‌ ಹೇಳಿದ್ದಾರೆ.
ಬರ್ಲಿನ್‌ ಪ್ರವಾಸದಲ್ಲಿದ್ದ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಇತ್ತೀಚೆಗೆ ಪ್ರಿಯಾಂಕಾ ಚೋಪ್ರಾ ಭೇಟಿಯಾಗಿದ್ದರು. ಈ ಭೇಟಿಯ ವೇಳೆ ಪ್ರಿಯಾಂಕಾ ಕಾಲುಗಳು ಕಾಣುವಂಥ ಉಡುಗೆಯನ್ನು ಧರಿಸಿದ್ದ ಬಗ್ಗೆ ಭಾರೀ ಟೀಕೆ ವ್ಯಕ್ತವಾಗಿತ್ತು.
ಭಾರತದ ಪ್ರಧಾನಿಮಂತ್ರಿಯವರನ್ನು ವಿದೇಶದಲ್ಲಿ ಭೇಟಿ ಮಾಡಲು ಹೋಗುವ ವೇಳೆ ಪ್ರಿಯಾಂಕಾ ಅಷ್ಟು ಚಿಕ್ಕ ಉಡುಪು ಧರಿಸಿದ್ದು ಸರಿಯಲ್ಲ’ ಎಂದು ಹಲವರು ಆಕ್ಷೇಪಿಸಿದ್ದರು. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಸನ್ನಿ ಪ್ರಿಯಾಂಕಾ ಧರಿಸಿದ್ದ ಬಟ್ಟೆಯನ್ನು ನೋಡಿ ಅವರನ್ನು ಅಳೆಯಬೇಡಿ’ ಎಂದು ಹೇಳುವ ಮೂಲಕ ಪಿಗ್ಗಿ ಬೆಂಬಲಕ್ಕೆ ನಿಂತಿದ್ದಾರೆ.
