ಅಳಿಯ ಕೆಎಲ್ ರಾಹುಲ್ ರನ್ನು ಹೊಗಳಿದ ಮಾವ ಸುನಿಲ್ ಶೆಟ್ಟಿ

ಮುಂಬೈ: ಟೀಂ ಇಂಡಿಯಾ ಕ್ರಿಕೆಟಿಗ ಕೆಎಲ್ ರಾಹುಲ್ ಬಾಲಿವುಡ್ ನಟ ಸುನಿಲ್ ಶೆಟ್ಟಿ ಅಳಿಯ ಎನ್ನುವುದು ಈಗ ಎಲ್ಲರಿಗೂ ಗೊತ್ತಿರುವ ಸಂಗತಿಯೇ.

ಸುನಿಲ್ ಶೆಟ್ಟಿ ಕೂಡಾ ಕ್ರಿಕೆಟ್ ಪ್ರಿಯರೇ. ಅವಕಾಶ ಸಿಕ್ಕಾಗಲೆಲ್ಲಾ ಅವರು ಮಗಳ ಗಂಡ ಕೆಎಲ್ ರಾಹುಲ್ ರನ್ನು ಹೊಗಳುವುದನ್ನು ಬಿಡುವುದಿಲ್ಲ.

ಇದೀಗ ಸಂದರ್ಶನದಲ್ಲಿ ರಾಹುಲ್ ರನ್ನು ಹೊಗಳಿರುವ ಸುನಿಲ್ ಶೆಟ್ಟಿ ‘ನಾನು ಹೆಮ್ಮೆಯ ತಂದೆ. ಅಥಿಯಾ ನಿಜಕ್ಕೂ ಪುಣ್ಯ ಮಾಡಿದ್ದಳು. ಅಹಾನ್ ಕೂಡಾ ಅದೃಷ್ಟವಂತ. ಆತನೂ ಕೆಎಲ್ ರಾಹುಲ್ ರಿಂದ ಸಾಕಷ್ಟು ಕಲಿಯುತ್ತಾನೆ. ಅವರು ಆಡುವಾಗ ನಾನು ಕಾತುರದಿಂದ ನೋಡುತ್ತೇನೆ. ನನ್ನ ಮಗ ಆಡುವುದನ್ನು ನೋಡಲು ಉತ್ಸುಕನಾಗುತ್ತೇನೆ. ನಿಮ್ಮ ಮಕ್ಕಳು ಕುಗ್ಗಿ ಹೋದಾಗ ನೀವು ಒಳಗೊಳಗೇ ಕುಸಿಯುತ್ತೀರಿ. ರಾಹುಲ್ ಆತನ ವೃತ್ತಿಯಲ್ಲಿ ಮಾಸ್ಟರ್. ಆದರೆ ಆತ ಫೀನಿಕ್ಸ್ ರೀತಿ ಎದ್ದು ಬರುತ್ತಾನೆ’ ಎಂದಿದ್ದಾರೆ.