ಬಾಲಿವುಡ್ ಬಾದ್ ಶಾ ಶಾರೂಖ್ ಖಾನ್`ಗೆ ಶಸ್ತ್ರಚಿಕಿತ್ಸೆ

ಬಾಲಿವುಡ್ ಬಾದ್ ಶಾ ಶಾರುಖ್ ಖಾನ್ ಈಗಾಗಲೇ ಹಲವು ಬಾರಿ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾರೆ. ಆದರೆ, ಅದು ಅಷ್ಟಕ್ಕೆ ನಿಂತಿಲ್ಲ. ಈಗ ಮತ್ತೊಂದು ಶಸ್ತ್ರಚಿಕಿತ್ಸೆಗೆ ಶಾರೂಖ್ ಖಾನ್ ಒಳಗಾಗುತ್ತಿದ್ದಾರೆ. ಈ ಬಾರಿ ಭುಜದ ಶಸ್ತ್ರಚಿಕಿತ್ಸೆಗೆ ಒಳಗಾಗುತ್ತಿರುವ ಕಿಂಗ್ ಖಾನ್ ಫೋಟೋವನ್ನ ಸೋಶಿಯಲ್ ಮೀಡಿಯಾಗೆ ಪೋಸ್ಟ್ ಮಾಡಿದ್ದಾರೆ.

ತನ್ನ ಬಲತೋಳಿನ ಫೋಟೋವನ್ನ ಶಾರೂಖ್ ಪೋಸ್ಟ್ ಮಾಡಿದ್ದು, ತೋಳಿನ ಮೇಲೆ ನಾಟ್ ಮೀ ಎಂದು ವೈದ್ಯರು ಬರೆದಿರುವ ಬರಹ ಇದೆ. ನಾನು ಎಡತೋಳಿನ ಶಸ್ತ್ರಚಿಕಿತ್ಸೆಗೆ ಒಳಗಾಗುತ್ತಿದ್ದು, ಬಲತೋಳಿನ ಮೇಲೆ ವೈದ್ಯರು ಹೀಗೆ ಬರೆದಿದ್ದಾರೆ ಎಂದು ಶಾರೂಖ್ ಬರೆದುಕೊಂಡಿದ್ದಾರೆ.

ಇದೇ ತೋಳಿಗೆ 2ನೇ ಬಾರಿಗೆ ಶಾರೂಖ್ ಶಸ್ತ್ರಚಿಕಿತ್ಸೆಗೆ ಒಳಗಾಗುತ್ತಿದ್ದಾರೆ. 2013ರಲ್ಲಿ ಚೆನ್ನೈ ಎಕ್ಸ್ ಪ್ರೆಸ್ ಶೂಟಿಂಗ್ ವೇಳೆ ಒಮ್ಮೆ ಶಾರೂಖ್ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. ಇದೀಗ, ರಾ ಒನ್ ಶೂಟಿಂಗ್ ವೇಳೆ ಗಾಯಗೊಂಡಿದ್ದ ಶಾರೂಖ್ ಮತ್ತೆ ಶಸ್ತ್ರಚಿಕಿತ್ಸೆಗೆ ಒಳಗಾಗುತ್ತಿದ್ದಾರೆ.