ಅಕಿರ ಶೂಟಿಂಗ್ ವೇಳೆ ಕೈಗೆ ಗಾಯ ಮಾಡಿಕೊಂಡ ನಟಿ ಸೋನಾಕ್ಷಿ ಸಿನ್ಹಾ

ಸೋನಾಕ್ಷಿ ಸಿನ್ಹಾ ಸದ್ಯ ಅಭಿನಯಿಸುತ್ತಿರುವ ಸಿನಿಮಾ ಅಕಿರ. ಇದೊಂದು ಆಕ್ಷನ್ ಸಿನಿಮಾವಾಗಿದ್ದು ಸಿನಿಮಾಕ್ಕಾಗಿ ಸೋನಾಕ್ಷಿ ಸಿನ್ಹಾ ಅವರು ಸಾಕಷ್ಟು ಕಸರತ್ತುಗಳನ್ನು ಮಾಡುತ್ತಿದ್ದಾರೆ. ಮೊದಲ ಬಾರಿಗೆ ಆಕ್ಷನ್ ಸಿನಿಮಾದಲ್ಲಿ ಅಭಿನಯಿಸುತ್ತಿರೋದರಿಂದ  ಸೋನಾಕ್ಷಿ ಭರ್ಜರಿ ತಯಾರಿ ಕೂಡ ಮಾಡಿಕೊಂಡಿದ್ದಾರೆ.

ಸೋನಾಕ್ಷಿ ಸಿನ್ಹಾ ಸಿನಿಮಾಕ್ಕಾಗಿ ಇಷ್ಟೆಲ್ಲಾ ಕಸರತ್ತು ಮಾಡಿಕೊಂಡ್ರು ಶೂಟಿಂಗ್ ವೇಳೆ ಅವರು ಪದೇ ಪದೇ ಗಾಯಮಾಡಿಕೊಳ್ಳುತ್ತಲೇ ಇರುತ್ತಾರೆ. ಇದೀಗ ಸೋನಾಕ್ಷಿ ಸಿನ್ಹಾ ಅವರು ಮತ್ತೊಮ್ಮೆ ತಮ್ಮ ಕೈಗೆ ಏಟು ಮಾಡಿಕೊಂಡಿದ್ದಾರೆ. ಸಿನಿಮಾದ ಆಕ್ಷನ್ ಸೀನ್ ಒಂದರ ಶೂಟಿಂಗ್ ವೇಳೆ ಅವರ ಬಲಗೈಗೆ ಚಚ್ಚಿದ ರೀತಿಯ ಏಟಾಗಿದೆ. ಇದರಿಂದಾಗಿ ಸೋನಾಕ್ಷಿ ಬಲಗೈಯಲ್ಲಿ ಟ್ಯಾಟೋ ರೀತಿಯ ಮಾರ್ಕ್ ಆಗಿದೆ.ಇನ್ನು ಈ ಫೋಟೋವನ್ನು ಇನ್ಸ್ ಟ್ರಾಗ್ರಾಮ್ ನಲ್ಲಿ ಶೇರ್ ಮಾಡಿಕೊಂಡಿರುವ ಸೋನಾಕ್ಷಿ ನನ್ನ ಕೈಯಲ್ಲಿರೋದು ಯುಎಸ್ ಎ ಮ್ಯಾಪ್ ನ ಟ್ಯಾಟೋ ಅಲ್ಲ ಸಿನಿಮಾದ ಚಿತ್ರೀಕರಣದ ವೇಳೆ ಆಗಿರುವ ಗಾಯ ಅಂತಾ ಹೇಳಿದ್ದಾರೆ.

ಇನ್ನು ಖುಷಿಯ ವಿಚಾರ ಅಂದ್ರೆ ಸೋನು ಶೂಟಿಂಗ್ ವೇಳೆ ಇಷ್ಟೆಲ್ಲಾ ಗಾಯಮಾಡಿಕೊಂಡ್ರು ಅವರು ಮತ್ತೆ ಮತ್ತೆ ಅದೇ ಜೋಷ್ ನಿಂದ ಸಿನಿಮಾದ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳುತ್ತಿರೋದು ಮಾತ್ರ ನಿಜಕ್ಕೂ ಗ್ರೇಟ್.ಅಕಿರ ಸಿನಿಮಾವನ್ನು ಎ.ಆರ್. ಮುರುಗದಾಸ್ ಅವರು ನಿರ್ದೇಶನ ಮಾಡುತ್ತಿದ್ದಾರೆ. ಫಾಕ್ಸ್ ಸ್ಟಾರ್ ಸ್ಟುಡಿಯೋಸ್ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದೆ.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.