ಬಾಲಿವುಡ್`ನ ಬಾಕ್ಸ್ ಆಫೀಸ್ ದೊರೆಗಳೆನಿಸಿಕೊಂಡಿರುವ ಶಾರೂಖ್ ಖಾನ್ ಮತ್ತು ಸಲ್ಮಾನ್ ಖಾನ್ ಒಟ್ಟೊಟ್ಟಿಗೆ ಕಾಣಿಸಿಕೊಂಡರೆ ಭಾರೀ ಸುದ್ದಿಯಾಗುತ್ತೆ. ಇವರಿಬ್ಬರ ಚಲನವಲನವನ್ನ ಅಭಿಮಾನಿಗಳು ತುಂಬಾ ಆಸಕ್ತಿಯನ್ನ ನೋಡುತ್ತಿರುತ್ತಾರೆ.
ಮುಂಬೈನ ಶಾರೂಖ್ ನಿವಾಸ ಮನ್ನತ್ ಬಳಿಗೆ ಬೈಸಿಕಲ್`ನಲ್ಲಿ ಬಂದ ಸಲ್ಮಾನ್ ಖಾನ್, ಶಾರೂಖ್ ಎಂದು ಜೋರಾಗಿ ಕೂಗಿದ ಘಟನೆ ನಡೆದಿದೆ. ಸಲ್ಲೂ ಕೂಗಿದ್ದು ಶಾರೂಖ್`ಗೆ ಕೇಳಿಸದಿದ್ದರೂ ಆನ್`ಲೈನ್`ನಲ್ಲಿ ವೈರಲ್ ಆಗಿದೆ.
ಟೂಬ್ ಲೈಟ್ ಚಿತ್ರ ಪ್ರಚಾರಕ್ಕಾಗಿ ಸೈಕಲ್ ಏರಿದ್ದ ಸಲ್ಲೂ ಸೈಕಲ್`ನಲ್ಲಿ ಮುಂಬೈ ನಗರ ಪ್ರದಕ್ಷಿಣೆ ಮಾಡುತ್ತಿದ್ದಾರೆ. ಈ ಸಂದರ್ಭ ಶಾರೂಕ್ ಮನೆ ಮುಂದೆ ಕೂಗಿದ್ದಾರೆ. ಈ ಬೆಳವಣಿಗೆ ಬಗ್ಗೆ ಶಾರೂಖ್ ಇನ್ನೂ ಪ್ರತಿಕ್ರಿಯೆ ನೀಡಿಲ್ಲ. ಜೂನ್ 23ಕ್ಕೆ ಟ್ಯೂಬ್ ಲೈಟ್ ತೆರೆಗೆ ಅಪ್ಪಳಿಸಲಿದೆ.
