ಮುಂಬೈ: ಸದ್ಯಕ್ಕೆ ಟೀಂ ಇಂಡಿಯಾದಲ್ಲಿ ಸ್ಥಾನ ಸಿಗದೇ ಒದ್ದಾಡುತ್ತಿರುವ ಸ್ಪಿನ್ನರ್ ಹರ್ಭಜನ್ ಸಿಂಗ್ ಕ್ರಿಕೆಟ್ ಬಿಟ್ಟು ಬೇರೆ ಕ್ಷೇತ್ರದಲ್ಲಿ ಒಂದು ಕೈ ನೋಡೋಣ ಎಂದು ಅದೃಷ್ಟ ಪರೀಕ್ಷೆಗಿಳಿದಿದ್ದಾರೆ.
ಭಜಿಗೆ ಸಿನಿಮಾ ಕ್ಷೇತ್ರಕ್ಕೂ ನಂಟು ಜಾಸ್ತಿ. ಭಜಿ ಪತ್ನಿ ಗೀತಾ ಬಸ್ರಾ ಬಾಲಿವುಡ್ ನಟಿ. ಇದೀಗ ಹರ್ಭಜನ್ ಕೂಡಾ ಮನರಂಜನೆ ಕ್ಷೇತ್ರಕ್ಕೆ ಕಾಲಿಟ್ಟಿದ್ದಾರೆ. ನಿಜ ಜೀವನದ ಹೀರೋಗಳ ಬಗ್ಗೆ ಇರುವ ಒಂದು ಆಲ್ಬಮ್ ಒಂದಕ್ಕೆ ಭಜಿ ಧ್ವನಿಗೂಡಿಸಿದ್ದಾರೆ. ಮಿಥೂನ್ ಈ ಆಲ್ಬಮ್ ನ ಸಂಗೀತ ನಿರ್ದೇಶಕ.
ಈಗಾಗಲೇ ಭಜಿ ಹಾಡುಗಳನ್ನು ಕಲಿಯುವುದಕ್ಕೆ ಮುಂಬೈನಲ್ಲಿ ಬೀಡುಬಿಟ್ಟಿದ್ದಾರಂತೆ. ಇದಲ್ಲದೆ, ಪಂಜಾಬಿ ಸಿನಿಮಾದಲ್ಲೂ ನಟಿಸಲಿದ್ದಾರೆ ಎಂಬ ಸುದ್ದಿಯಿದೆ. ಅಂತೂ ಕ್ರಿಕೆಟ್ ನಲ್ಲಿ ಕೈ ಕೊಟ್ಟ ಅದೃಷ್ಟ ಸಿನಿಮಾದಲ್ಲಿ ಸಿಗುತ್ತಾ ಎಂದು ನೋಡಬೇಕು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
