ನಟ ಸಾಯಿಕುಮಾರ್ ಕನ್ನಡಭಿಮಾನಿಗಳ ಪಾಲಿನ ಅತ್ಯಂತ ಪ್ರೀತಿಯ ನಟ. ಪೊಲೀಸ್ ಪಾತ್ರಗಳನ್ನು ಮಾಡಬೇಕು ಅಂದ್ರೆ ಅದಕ್ಕೆ ಸಾಯಿಕುಮಾರ್ ಅವರೇ ಬೇಕು ಅನ್ನುವ ಕಾಲವೊಂದಿತ್ತು. ಸದ್ಯ ಪೋಷಕ ಪಾತ್ರಗಳಲ್ಲಿ ಕಾಣಿಸಿಕೊಂಡ್ರೂ ಸಾಯಿಕುಮಾರ್ ಅವರಿಗೆ ಬೇಡಿಕೆಯೇನೂ ಕಡಿಮೆಯಾಗಿಲ್ಲ. ಆದ್ರೆ ಇದೀಗ ಅವರ ಮಗನ ಸರದಿ.
ಸಿನಿಮಾ ತಾರೆಯರ ಮಕ್ಕಳು ಸಿನಿಮಾರಂಗಕ್ಕೆ ಎಂಟ್ರಿ ಕೊಡೋದು ಹೊಸದೇನಲ್ಲ. ಈಗಗಾಲೇ ಅನೇಕ ತಾರೆಯರ ಮಕ್ಕಳು ಸ್ಯಾಂಡಲ್ ವುಡ್, ಕಾಲಿವುಡ್ , ಬಾಲಿವುಡ್, ಟಾಲಿವುಡ್ ಗಳಲ್ಲಿ ತಮ್ಮದೇ ಪ್ರತಿಭೆಯ ಮೂಲಕ ಮಿಂಚುತ್ತಿದ್ದಾರೆ. ಇದೀಗ ಸಾಯಿಕುಮಾರ್ ಅವರ ಪುತ್ರ ಆದಿ ಸಿನಿಮಾರಂಗಕ್ಕೆ ಬರೋದಕ್ಕೆ ರೆಡಿಯಾಗಿದ್ದಾರಂತೆ.
ತೆಲುಗಿನ ಸೂಪರ್ ಹಿಟ್ 'ಕಾರ್ತಿಕೇಯ' ಚಿತ್ರವನ್ನು ಕನ್ನಡಕ್ಕೆ ರಿಮೇಕ್ ಮಾಡುತ್ತಿದ್ದು, ಸಾಯಿ ಪುತ್ರ ಆದಿಯನ್ನು ಈ ಚಿತ್ರದ ಮೂಲಕ ಕನ್ನಡ ಸಿನಿಮಾ ರಂಗಕ್ಕೆ ಪರಿಚಯಿಸಲು ವೇದಿಕೆ ಸಿದ್ಧಗೊಂಡಿದೆ.ಅಂದ್ಹಾಗೆ ಆದಿ ಅಭಿನಯದ ಚೊಚ್ಚಲ ಚಿತ್ರ ತೆಲುಗಿನ ‘ಪ್ರೇಮ ಕಾವಾಲಿ’ಯಲ್ಲಿನ ನಟನೆಗೆ ಪ್ರಶಸ್ತಿ ಬಂದಿತ್ತು.
ಈಗಾಗಲೇ ಸಾಯಿಕುಮಾರ್ ಹಾಗೂ ಸಹೋದರ ರವಿಶಂಕರ್ ಅವರು ಕನ್ನಡದಲ್ಲಿ ಬಹು ಬೇಡಿಕೆಯ ನಟರು ಎನ್ನಿಸಿಕೊಂಡಿದ್ದಾರೆ. ಸಾಯಿಕುಮಾರ್ ಅವರಿಗೆ ನನ್ನ ಮಗನನ್ನು ಸ್ಯಾಂಡಲ್ ವುಡ್ ಗೆ ಪರಿಚಯಿಸಬೇಕು ಅನ್ನೋದು ಬಹು ದಿನದ ಆಸೆ. ಇದೀಗ ಆ ಆಸೆ ಈಡೇರುವ ದಿನ ಕೂಡಿ ಬಂದಿದೆ.
ತಾಜಾ ಸುದ್ದಿಗಳನ್ನು ಓದಲು
ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ
