'ಉಡ್ತಾ ಪಂಜಾಬ್' ಚಿತ್ರದ ಪ್ರದರ್ಶನಕ್ಕಾಗಿ ಶಾಹಿದ್‌ಗೆ ಹೊಗಳಿದ ಮೀರಾ

ಬಾಲಿವುಡ್ ನಟ ಶಾಹಿದ್ ಕಪೂರ್ 'ಉಡ್ತಾ ಪಂಜಾಬ್' ಚಿತ್ರದಲ್ಲಿ ಅಮೋಘ ಅಭಿನಯ ಮಾಡಿರೋದು ಎಲ್ಲರಿಗೂ ಗೊತ್ತು. ಶಾಹಿದ್ ಕಪೂರ್ ಅಭಿನಯಕ್ಕೆ ಹಲವರಿಂದ ಪ್ರಶಂಸೆ ವ್ಯಕ್ತವಾಗಿತ್ತು. ಈ ಚಿತ್ರದಲ್ಲಿ ಶಾಹಿದ್ ಟಾಮಿ ಸಿಂಗ್ ಅವತಾರದಲ್ಲಿ ಮಿಂಚಿದ್ದಾರೆ. ಚಿತ್ರದಲ್ಲಿ ಶಾಹಿದ್ ಉತ್ತಮ ಪ್ರದರ್ಶನಕ್ಕಾಗಿ ಪತ್ನಿ ಮೀರಾ ರಜಪೂತ್ ತಮ್ಮ ಪತಿಯ ಅಭಿನಯದ ಕುರಿತು ಹೊಗಳಿದ್ದಾರೆ. 

ಅಲ್ಲದೇ ಪ್ರೇಕ್ಷಕರು ಶಾಹಿದ್ ಬಗ್ಗೆ ಕಮೆಂಟ್ಸ್ ಮಾಡುತ್ತಿರುವುದರ ಬಗ್ಗೆಯೂ ಕೂಡ ಮೀರಾ ರಜಪೂತ್ ಫಾಲೋ ಮಾಡುತ್ತಿದ್ದರಂತೆ. ಅಲ್ಲದೇ ಮೀರಾ ಆಡಿಯನ್ಸ್ ನೀಡುವ ಫೀಡ್ ಬ್ಯಾಕ್‌ಗಳನ್ನು ಆಲಿಸುತ್ತಿದ್ದರು. ಶಾಹಿದ್ ಕಪೂರ್ ತೋರಿದ ಉತ್ತಮ ಪ್ರದರ್ಶನಕ್ಕಾಗಿ ಹಲವರಿಂದ ಉತ್ತಮ ಪ್ರತಿಕ್ರಿಯೆಗಳು ಬಂದಿರುವುದಕ್ಕಾಗಿ ಮೀರಾ ರಜಪೂತ್ ತುಂಬಾ ಸಂತಸದಲ್ಲಿದ್ದಾರಂತೆ. 

ಅಲ್ಲದೇ ಬ್ಯಾಡ್ಮಿಂಟನ್ ಆಟಗಾರ್ತಿ ಸೈನಾ ನೆಹ್ವಾಲ್ ಕೂಡ ಉಡ್ತಾ ಪಂಜಾಬ್ ಚಿತ್ರದಲ್ಲಿನ ಶಾಹಿದ್ ಉತ್ತಮ ಪ್ರದರ್ಶನಕ್ಕಾಗಿ ಗ್ರೇಟ್ ವರ್ಕ್ ಎಂದಿದ್ದರು. ಇದಕ್ಕೆ ರಿಪ್ಲೈ ಮಾಡಿದ್ದ ಶಾಹಿದ್ ಸೈನಾಗೆ ಥ್ಯಾಂಕ್ಸ್ ಎಂದು ತಿಳಿಸಿದ್ದರು. 

ಚಿತ್ರ ಬಿಡುಗಡೆಗೂ ಮುನ್ನ ಉಡ್ತಾ ಪಂಜಾಬ್' ಚಿತ್ರದಲ್ಲಿ ಕೇವಲ ಒಂದು ದೃಶ್ಯಕ್ಕೆ ಕತ್ತರಿ ಹಾಕಿ ಚಿತ್ರದ ಬಿಡುಗಡೆಗೆ ಅನುಮತಿ ಕೊಡಿ ಎಂದು ಬಾಂಬೆ ಹೈಕೋರ್ಟ್ ಸೆನ್ಸಾರ್ ಮಂಡಳಿಗೆ ಸೂಚನೆ ನೀಡಿತ್ತು. ಇದರಿಂದಾಗಿ ಉಡ್ತಾ ಪಂಜಾಬ್ ಚಿತ್ರಕ್ಕೆ 89 ಕತ್ತರಿ ಪ್ರಯೋಗ ಮಾಡಿದ್ದ ಸೆನ್ಸಾರ್ ಮಂಡಳಿಗೆ ಭಾರೀ ಮುಖಭಂಗವಾಗಿತ್ತು. ಅಲ್ಲದೇ ಚಿತ್ರ ಬಿಡುಗಡೆಯಾಗಿ ಎಲ್ಲೆಡೆ ಭರ್ಜರಿ ಪ್ರಸರ್ಶನ ಕಾಣುತ್ತಿದೆ. 

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ