ಕಿಚ್ಚ ಸುದೀಪ್ ಅಭಿನಯದ 'ಕೋಟಿಗೊಬ್ಬ 2' ಚಿತ್ರ ಬಿಡುಗಡೆಗೊಂಡು ಯಶಸ್ವಿಯಾಗಿ ಪ್ರದರ್ಶನ ಕಾಣುತ್ತಿದೆ. ಈ ಮಧ್ಯೆ ಕಳೆದ 4 ದಿನಗಳಿಂದ ಸುಮಾರು 16 ಕೋಟಿ ಕಲೆಕ್ಷನ್ ಆಗಿದೆ ಎಂದು ಹೇಳಲಾಗುತ್ತಿದೆ. ನಾನು ಇದುವರೆಗೂ ಮಾಡಿದ ಸಿನಿಮಾಗಳಲ್ಲಿ ನಿರ್ಮಾಪಕರು. ನಿರ್ದೇಶಕರು ಬಂದು ಕಲೆಕ್ಷನ್ ಕುರಿತು ಹೇಳಿಕೊಂಡಿಲ್ಲ ಎಂದು ಮನದಾಳದ ಮಾತನ್ನು ಕಿಚ್ಚ ಸುದೀಪ್ ಹೇಳಿಕೊಂಡಿದ್ದಾರೆ.
ಅಭಿನವ ಚಕ್ರವರ್ತಿ ಸುದೀಪ್ ಅಭಿನಯದ ಕೋಟಿಗೊಬ್ಬ -2 ಚಿತ್ರ ಬಿಡುಗಡೆ ಕಂಡಿದೆ. ಯಶಸ್ಸಿನ ಅಲೆಯಲ್ಲಿ ತೇಲುತ್ತಿದ್ದರು ಸುದೀಪ್ ಮಾತ್ರ ದೊಡ್ಡತನ ಮೆರೆದಿದ್ದಾರೆ. ಈಗಾಗ್ಲೇ ಚಿತ್ರ 16 ಕೋಟಿ ಕಲೆಕ್ಷನ್ ಕಂಡಿದೆ. ಇದು ಸುದೀಪ್ ಅವರಿಗೆ ಖುಷಿ ತಂದು ಕೊಡುತ್ತಿದೆ.
ಈ ಕುರಿತು ತಮ್ಮ ಕೆಚ್ಚಿನ ಮಾತುಗಳನ್ನು ಸುದೀಪ್ ಈ ರೀತಿ ಆಡಿದ್ದಾರೆ.
ನನಗೆ ಗೊತ್ತಿರುವಂತೆ ಇದುವರೆಗೂ ಯಾರು ನನ್ನ ಸಿನಿಮಾ ಮಾಡಿದ ಕಲೆಕ್ಷನ್ ಹೇಳಿಕೊಂಡಿಲ್ಲ. ನನಗೆ ಮಾರ್ಕೆಟ್ ಬಗ್ಗೆ ಗೊತ್ತಿಲ್ಲ. ಗಾಂಧಿನಗರದ ಮಾತುಗಳ ಬಗ್ಗೆ ತಲೆಕೆಡಿಸಿಕೊಳ್ಳುವುದಿಲ್ಲ. ಒಂದು ಒಳ್ಳೆಯ ಸಿನಿಮಾ ಆಗಬೇಕು ಎಂದು ಮಾತ್ರಕ್ಕೆ ನಾನು ಸಿನಿಮಾ ಮಾಡುತ್ತೇನೆ ಎಂದು ಸುದೀಪ್ ಬಿಚ್ಚಿಟ್ಟಿದ್ದಾರೆ. ಹೀಗೆ ಹೇಳುವುದರ ಮೂಲಕ ಹಿಂದಿನ ನಿರ್ದೇಶಕರಿಗೆ, ನಿರ್ಪಾಪಕರಿಗೆ ಟಾಂಗ್ ನೀಡಿದ್ದಾರೆ ಸುದೀಪ್
ಕೋಟಿಗೊಬ್ಬ 2 ಚಿತ್ರಕ್ಕೆ ಹಾಕಿದ ದುಡ್ಡು ವಾಪಸ್ಸು ಬಂದಿದೆ. ಇನ್ನೂ ಲಾಭದಲ್ಲಿ ಒಂದಂಶ ಸುದೀಪ್ ಅವರಿಗೆ ಸೀಗುತ್ತಾ ಎಂದ್ರೆ, ತಮಗೆ ಬೇರೇನು ಬೇಡ ಎನ್ನುತ್ತಾರೆ. ಯಾವುದು ನನ್ನದು ಅಲ್ಲವೋ ಅದು ಬೇಡ, ಅದು ನನಗೆ ಖಂಡಿತಾ ಬೇಡ ಎನ್ನುತ್ತಾರೆ ಸುದೀಪ್. ನಾನು ಮನೆಯವರಿಗೆ ಏನಾದರೂ ಕೊಡಿಸಬೇಕು ಎಂದ್ರೆ, ಅದು ನನ್ನ ಸಂಪಾದನೆಯ ಹಣವಾಗಿರಬೇಕು ಎನ್ನುತ್ತಾರೆ. 20 ವರ್ಷಗಳಲ್ಲಿ ಗೆಲುವನ್ನು ಬಿಟ್ಟರೆ ಬೇರೆ ಏನು ನಿರೀಕ್ಷೆ ಮಾಡಿದವನಲ್ಲ, ಅಷ್ಟು ಸಿಕ್ಕ ಖುಷಿ ಇದೆ ಎನ್ನುತ್ತಾರೆ ಕಿಚ್ಚ ಸುದೀಪ್.
ತಾಜಾ ಸುದ್ದಿಗಳನ್ನು ಓದಲು
ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ
