ಮುಂಬೈ: ಸಾಮಾನ್ಯವಾಗಿ ಸೆಲೆಬ್ರಿಟಿಗಳು ವಿಮಾನ ನಿಲ್ದಾಣಗಳಲ್ಲಿ ಕ್ಯಾಮರಾ ಕಣ್ಣಿಗೆ ಬಿದ್ದರೆ ಕೈ ಬೀಸಿ, ಫೋಟೋಗೆ ಪೋಸ್ ಕೊಟ್ಟು ಮರಳುತ್ತಾರೆ. ಆದರೆ ಜಾಹ್ನವಿ ಕಪೂರ್ ತಾವೆಷ್ಟು ಡಿಫರೆಂಟ್ ಎಂದು ತೋರಿಸಿಕೊಟ್ಟಿದ್ದಾರೆ.
ಇತ್ತೀಚೆಗೆ ಮುಂಬೈ ಏರ್ ಪೋರ್ಟ್ ನಲ್ಲಿ ಸಾಗುತ್ತಿದ್ದ ಜಾಹ್ನವಿಯ ಫೋಟೋ ತೆಗೆಯಲು ಫೋಟೋಗ್ರಾಫರ್ ಗಳು ಮುಗಿಬಿದ್ದಿದ್ದರು. ಅವರಿಗೆಲ್ಲಾ ಪೋಸ್ ಕೊಡುವ ಜೊತೆಗೆ ಜಾಹ್ನವಿ ಅವರಲ್ಲೊಬ್ಬರು ತಂದಿದ್ದ ಕೇಕ್ ಕೂಡಾ ಕಟ್ ಮಾಡಿ ಖುಷಿ ನೀಡಿದ್ದಾರೆ.
ಇತ್ತೀಚೆಗಷ್ಟೇ ಜಾಹ್ನವಿ ಹುಟ್ಟುಹಬ್ಬವಿತ್ತು. ಈ ನಿಮಿತ್ತ ಫೋಟೋಗ್ರಾಫರ್ ಒಬ್ಬರು ಕೇಕ್ ತಂದು ಕಟ್ ಮಾಡುವಂತೆ ಮನವಿ ಮಾಡಿದ್ದರು. ನಿಂತ ನಿಲುವಿನಲ್ಲೇ ಕೇಕ್ ಹಂಚಿ ಫೋಟೋಗೂ ಪೋಸ್ ನೀಡಿದ್ದಲ್ಲದೆ ಧನ್ಯವಾದ ಸಲ್ಲಿಸಿ ತೆರಳಿದ್ದಾರೆ. ಅವರ ಸರಳತೆಗೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
