ತಾತನಾದ ನವರಸನಾಯಕ: ಮೊಮ್ಮಗನ ಜತೆ ಜಗ್ಗೇಶ್ ಸಂಭ್ರಮ

ಬೆಂಗಳೂರು:ನವರಸ ನಾಯಕ ಜಗ್ಗೇಶ್ ತಾತನಾಗಿರುವ ವಿಷಯ ಎಲ್ಲರಿಗೂ ಗೊತ್ತಿರುವ ವಿಚಾರ. ರೀಲ್ ಲೈಫ್ ನಲ್ಲಿ ಅಲ್ಲ. ರೀಯಲ್ ಲೈಫಲ್ಲೇ ಜಗ್ಗೇಶ್ ಅಜ್ಜನಾಗಿದ್ದು, ಮೊಮ್ಮಗನ ಜತೆ ಆಟವಾಡುತ್ತಿರುವ ಸಂಭ್ರಮವನ್ನು ಜಗ್ಗೇಶ್ ಎಲ್ಲರೊಂದಿಗೂ ಹಂಚಿಕೊಂಡಿದ್ದಾರೆ.

ತೆರೆಯ ಮೇಲೆ ಎಲ್ಲಾ ವಿಧದ ಪಾತ್ರಗಳನ್ನು ಪೋಷಿಒಸುವ ಜಗ್ಗೇಶ್ ಈಗ ನಿಜ ಜೀವನದಲ್ಲಿ ತಾತನ ಪಾತ್ರವನ್ನು ಸಡಗರದಿಂದ ನಿಭಾಯಿಸುತ್ತ ಸಂಭ್ರಮಿಸಿದ್ದಾರೆ. ಈ ಬಗ್ಗೆ ಟ್ವೀಟರ್ ನಲ್ಲಿ ಬರೆದುಕೊಂಡಿರುವ ನಟ ಜಗ್ಗೇಶ್, ನನ್ನ ಸಮಕಾಲೀನ ನತರಲ್ಲಿ ತಾತನಾದ ಮೊದಲಿಗ ನಾನೆ. ಪರಿಮಳ ನನ್ನ ತಾತ ಅಜ್ಜ ಅಂದರೆ ನಗ್ತಾರೆ ಎಲ್ಲರೂ! 19ಕ್ಕೆ ಗಂಡ ! 23ಕ್ಕೆ ಅಪ್ಪ! 52ಕ್ಕೆ ತಾತ! ಹಾಹಾಹಾ ಎಂದು ತಿಳಿಸಿದ್ದಾರೆ.

ಸಿನಿಮಾತಾರೆಗಳು ತಮಗೆ ವಯಸ್ಸಾಗುತ್ತಿದೆ ಎಂಬುದನ್ನು ಒಪ್ಪಿಕೊಳ್ಳಲು ಹಿಂಜರಿಯುತ್ತಾರೆ. ಹಾಗಿರುವಾಗ ನಟ ಜಗ್ಗೇಶ್ ತಾವು ತಾನನಾಗಿರುವ ಬಗ್ಗೆ ಹಾಗೂ ಮೊಮ್ಮಗನ ಜತೆ ತಮ್ಮ ಸಂಭ್ರಮದ ಕ್ಷಣಗಳನ್ನು ಎಂಜಾಯ್ ಮಾಡುತ್ತಿರುವ ಕುರಿತು ಆಗಾಗ ಸಾಮಾಜಿಕ ಜಾಲತಾಣಗಳಲ್ಲಿ ಹಾಕುವ ಮೂಲಕ ಇತರರಿಗೆ ಮಾದರಿಯಾಗಿದ್ದಾರೆ.