ಬಾಲಿವುಡ್ ನಟ ಹೃತಿಕ್ ರೋಶನ್ ಮತ್ತೊಮ್ಮೆ ಮದುವೆಯಾಗಲಿದ್ದಾರಂತೆ! ವಧು ಯಾರು ಗೊತ್ತಾ....?

ಮುಂಬೈ : ಬಾಲಿವುಡ್ ನಟ ಹೃತಿಕ್ ರೋಶನ್ ಹಾಗು ಸುಸೇನ್ ಖಾನ್ ಇಬ್ಬರು ವಿಚ್ಛೇದನ ಪಡೆದು ದೂರವಾಗಿದ್ದು, ಈಗ ತಮ್ಮ ಮಕ್ಕಳಿಗಾಗಿ ಮತ್ತೆ ಮದುವೆಯಾಗಲು ತಯಾರಿ ನಡೆಸುತ್ತಿದ್ದಾರೆ ಎಂದು ತಿಳಿದುಬಂದಿದೆ.

ಒಂದು ಕಾಲದಲ್ಲಿ ಬಾಲಿವುಡ್ ನ ಕ್ಯೂಟ್ ಕಪಲ್ ಎನಿಸಿಕೊಂಡಿದ್ದ ನಟ ಹೃತಿಕ್ ರೋಶನ್ ಹಾಗು ಸುಸೇನ್ ಖಾನ್ ಅವರು 2013ರಲ್ಲಿ ಬೇರೆಯಾಗಿದ್ದು, 2014 ರಲ್ಲಿ ವಿಚ್ಛೇದನ ಪಡೆದಿದ್ದರು. ಇವರ ಈ ನಿರ್ಧಾರದಿಂದ  ಅವರ ಮಕ್ಕಳು ತುಂಬಾ ಅಸಮಾಧಾನಗೊಂಡಿದ್ದಾರಂತೆ. ಅವರು ಬೇರೆಯವರ ಜೊತೆ ಮಾತನಾಡಲು ಹಿಂಜರಿಯುವುದಲ್ಲದೆ, ಅವರ ಓದಿನ ಮೇಲೂ ಪರಿಣಾಮ ಬೀರಿದೆಯಂತೆ.

ಹೃತಿಕ್ ರೋಶನ್ ಹಾಗು ಸುಸೇನ್ ಖಾನ್ ಇಬ್ಬರು ವಿಚ್ಛೇದನ ಪಡೆದಿದ್ದರೂ ಕೂಡ ಇಬ್ಬರು ಭೇಟಿಯಾಗಿ, ಆಗಾಗ ಮಕ್ಕಳ ಜೊತೆ ಪ್ರವಾಸಕ್ಕೆ ಕೂಡ ಹೋಗುತ್ತಿದ್ದರು. ಆದ ಕಾರಣ ಮಕ್ಕಳು ಅಪ್ಪ, ಅಮ್ಮ ಜೊತೆಯಾಗಿರಬೇಕೆಂದು ಬಯಸಿದ್ದರಂತೆ. ಅದಕ್ಕಾಗಿ ಇಬ್ಬರು ಮತ್ತೆ ಮದುವೆಯಾಗುವ ನಿರ್ಧಾರ ಮಾಡಿದ್ದಾರೆ ಎಂದು ಮೂಲಗಳಿಂದ ತಿಳಿದುಬಂದಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ