ಮತ್ತೆಮತ್ತೆ ನೋಡಬೇಕು ಎನ್ನಿಸುವ ’ಬಾಹುಬಲಿ’ ಪೋಸ್ಟರ್

ಎಸ್.ಎಸ್.ರಾಜಮೌಳಿ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಅದ್ದೂರಿ ಚಿತ್ರ ’ಬಾಹುಬಲಿ 2’. ಈ ಚಿತ್ರಕ್ಕೆ ಸಂಬಂಧಿಸಿದಂತೆ ಈಗಾಗಲೆ ಎರಡು ಪೋಸ್ಟರ್‌ಗಳು ಬಿಡುಗಡೆಯಾಗಿವೆ. ಈಗ ಗಣರಾಜ್ಯೋತ್ಸವ ಹಿನ್ನೆಲೆಯಲ್ಲಿ ಇನ್ನೊಂದು ಪೋಸ್ಟರನ್ನು ಸ್ವತಃ ರಾಜಮೌಳಿ ರಿಲೀಸ್ ಮಾಡಿದ್ದಾರೆ.

ಅಮರೇಂದ್ರ ಬಾಹುಬಲಿ (ಪ್ರಭಾಸ್) ಮತ್ತು ದೇವಸೇನ (ಅನುಷ್ಕಾ ಶೆಟ್ಟಿ) ಇರುವ ಪೋಸ್ಟರನ್ನು ಹಂಚಿಕೊಂಡಿದ್ದಾರೆ. ಬಾಹುಬಲಿ: ದಿ ಬಿಗಿನಿಂಗ್ ಚಿತ್ರದಲ್ಲಿ ಡಿ ಗ್ಲಾಮರ್ ಆಗಿ ಕಾಣಿಸಿದ್ದ ಅನುಷ್ಕಾ ಶೆಟ್ಟಿ ಇಲ್ಲಿ ಗ್ಲಾಮರಸ್ ಆಗಿ ಕಾಣಿಸಿಕೊಂಡಿದ್ದಾರೆ.

ಅಮರೇಂದ್ರ ಬಾಹುಬಲಿ ಜತೆ ದೇವಸೇನ ಬಾಣ ಗುರಿಯಿಟ್ಟಿರುವ ಭಂಗಿ ಮತ್ತೆಮತ್ತೆ ನೋಡುವಂತಿದೆ. ಅತ್ಯಂತ ಅದ್ದೂರಿ ವೆಚ್ಚದಲ್ಲಿ ಚಿತ್ರವನ್ನು ನಿರ್ಮಿಸಲಾಗಿದ್ದು, ಇದೇ ಏಪ್ರಿಲ್ 28ಕ್ಕೆ ಚಿತ್ರ ತೆರೆಕಾಣಲಿದೆ. ಚಿತ್ರರಸಿಕರು ಈ ಚಿತ್ರವನ್ನು ಕಣ್ತುಂಬಿಕೊಳ್ಳಲು ಕಾತುರರಾಗಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.