ಬಾಲಿವೂಡ್ ಬ್ಯೂಟಿ ಅನುಷ್ಕಾ ಶರ್ಮಾ ಇದೀಗ 'ಪರಿ' ಎಂಬ ಹಾರರ್ ಸಿನೇಮಾದ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದು ಇದು ಅವರ ಮೊದಲ ಹಾರರ್ ಚಿತ್ರವಾಗಿದೆ. ಪಕ್ಕಾ ರೋಮ್ಯಾಂಟಿಕ್ ಚಿತ್ರಗಳಲ್ಲಿ ಅಭಿನಯಿಸಿದ್ದ ಈ ಚತುರೆ, ಇದೀಗ ಹಾರರ್ ಚಿತ್ರದ ಮೂಲಕ ಬಾಲಿವುಡ್‌ನಲ್ಲಿ ಸಂಚಲನ ಮೂಡಿಸಿದ್ದಾಳೆ.
ಈ ಚಿತ್ರದ ಮೊದಲ ಟಿಸರ್ 2017 ರ ಜುಲೈನಲ್ಲಿ ಬಿಡುಗಡೆಯಾಗಿದ್ದು, ಇದೀಗ ಚಿತ್ರೀಕರಣ ಪೂರ್ಣಗೊಳಿಸಿರುವ ಹಿನ್ನಲೆಯಲ್ಲಿ ಚಿತ್ರತಂಡ ಫೆಬ್ರುವರಿ 9 ರಂದು ಚಿತ್ರ ಬಿಡುಗಡೆ ಮಾಡಲು ಮುಂದಾಗಿದೆ.
ಈ ಚಿತ್ರವನ್ನು ಅಭಿಮಾನಿಗಳು ಕಾತುರದಿಂದ ನಿರೀಕ್ಷಿಸುತ್ತಿದ್ದು, ಮೇಕಪ್ ಇಲ್ಲದೇ ವಿಕಾರವಾದ ಮುಖದೊಂದಿಗೆ ಭಯ ಬಿಳಿಸುವಂತ ಹಾರರ್ ಲೂಕ್‌ನಲ್ಲಿ ಅನುಷ್ಕಾ ಕಾಣಿಸಿಕೊಂಡಿರುವುದು ಇನ್ನಷ್ಟು ಅಭಿಮಾನಿಗಳ ಕುತುಹಲಕ್ಕೆ ಕಾರಣವಾಗಿದೆ. ಈ ಮೊದಲು ಎನ್‌ಎಚ್ 10 ಮತ್ತು ಫಿಲ್ಲೌರಿ ಸಿನೇಮಾವನ್ನು ಅನುಷ್ಕಾ ನಿರ್ಮಾಣ ಮಾಡಿದ್ದು, "ಪರಿ" ಅವರ ನಿರ್ಮಾಣದ ಮೂರನೇ ಸಿನೇಮಾವಾಗಿದೆ.
ಈ ಚಿತ್ರಕ್ಕೆ ಪ್ರೋಸಿತ್ ರಾಯ್ ಎಕ್ಷನ್ ಕಟ್ ಹೇಳುತ್ತಿದ್ದು, ಅನುಪಮ್ ರಾಯ್ ಸಂಗೀತ ಈ ಚಿತ್ರಕ್ಕಿದೆ. ಈಗಾಗಲೇ ಟೀಸರ್ ಮೂಲಕ ಬಾರಿ ಕೂತುಹಲ ಕೆರಳಿಸಿರುವ ಈ ಸಿನೇಮಾ ಪ್ರೇಕ್ಷಕರನ್ನು ಯಾವ ರೀತಿ ಸೆರೆಹಿಡಿಯಲಿದೆ ಎಂಬುದನ್ನು ಮುಂದಿನ ದಿನಗಳಲ್ಲಿ ಕಾದುನೋಡಬೇಕಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
