ಮುಂಬೈ: ನರೇಂದ್ರ ಮೋದಿ ಸರ್ಕಾರ ಕಪ್ಪು ಹಣ ಬಯಲಿಗೆಳೆಯುವ ಉದ್ದೇಶದಿಂದ ದೇಶದಲ್ಲಿ 500 ಮತ್ತು 1000 ರೂ. ನೋಟು ನಿಷೇಧಿಸಿರುವುದರಿಂದ ಸಾಮಾನ್ಯ ಜನರು ಕಷ್ಟಪಡುತ್ತಿರುವುದೇನೋ ಸರಿ. ಆದರೆ ಇದೆಲ್ಲಾ ತಾತ್ಕಾಲಿಕ. ಇದರಿಂದಾಗುವ ಉತ್ತಮ ಪರಿಣಾಮಗಳನ್ನು ಗಮನಿಸಿ, ತಾತ್ಕಾಲಿಕ ಸಮಸ್ಯೆಗಳನ್ನು ಮರೆಯಿರಿ ಎಂದು ಬಾಲಿವುಡ್ ಸೂಪರ್ ಸ್ಟಾರ್ ಅಮೀರ್ ಖಾನ್ ಹೇಳಿದ್ದಾರೆ.
ತಮ್ಮ ದಂಗಲ್ ಚಿತ್ರದ ಹಾಡಿನ ಬಿಡುಗಡೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು “ನನ್ನ ಬಳಿ ಹಣ ಥಂಡಿಯಾಗಿ ಬಿದ್ದಿರಲಿಲ್ಲ. ನಾನು ಸರಿಯಾಗಿ ದಾಖಲೆ ಸಮೇತ ತೆರಿಗೆ ಕಟ್ಟುತ್ತಿದ್ದೇನೆ. ಹಾಗಾಗಿ ನನಗೆ ಯಾವುದೇ ಸಮಸ್ಯೆಯಾಗಲಿಲ್ಲ” ಎಂದಿದ್ದಾರೆ.
“ಇದರಿಂದ ದೇಶಕ್ಕಾಗುವ ಲಾಭದ ಬಗ್ಗೆ ಚಿಂತಿಸಬೇಕು. ಅದುವೇ ಮುಖ್ಯ. ನನ್ನ ಸಿನಿಮಾವೇ ಲಾಸ್ ಆದರೂ ನನಗೆ ಚಿಂತೆಯಿಲ್ಲ. ನೋಟು ನಿಷೇಧದಿಂದ ಭವಿಷ್ಯದಲ್ಲಿ ಭಾರತಕ್ಕೆ ಒಳಿತಾದರೆ ಅದುವೇ ಮುಖ್ಯ” ಎಂದಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
