ಮುಂಬೈ: ಅಮೀರ್ ಖಾನ್ ಎಂದರೆ ಹಾಗೆ. ಸದಾ ವಿಶಿಷ್ಟವಾಗಿರುವುದನ್ನೇ ಮಾಡುತ್ತಾರೆ. ಭಾರತೀಯ ಕುಸ್ತಿ ಪಟು ಗೀತಾ ಪೋಗಟ್ ವಿವಾಹಕ್ಕೆ ಉಡುಪನ್ನುಅವರೇ ಆರಿಸಿಕೊಡಲಿದ್ದಾರಂತೆ.
ದಂಗಲ್ ಸಿನಿಮಾದಲ್ಲಿ ಅಮೀರ್ ಖಾನ್ ಹೆಣ್ಣು ಮಕ್ಕಳಿಬ್ಬರ ತಂದೆಯ ಪಾತ್ರ ನಿರ್ವಹಿಸುತ್ತಿದ್ದಾರೆ. ಇದರಲ್ಲಿ ಗೀತಾ ಪೋಗಟ್ ಮತ್ತು ಬಬಿತಾ ಕುಮಾರಿ ಎಂಬ ಇಬ್ಬರೂ ಹೆಣ್ಣು ಮಕ್ಕಳಿಗೆ ಕುಸ್ತಿ ಕ್ರೀಡೆ ಕಲಿಸುವ ಹೆಣ್ಣು ಮಕ್ಕಳ ತಂದೆಯ ಪಾತ್ರ ಮಾಡುತ್ತಿದ್ದಾರೆ. ಹೀಗಾಗಿ ನಿಜ ಜೀವನದಲ್ಲೂ ತಮ್ಮ ಸಿನಿಮಾ ಪಾತ್ರಧಾರಿಯ ಮದುವೆಗೆ ಅವರು ನೆರವಾಗಲಿದ್ದಾರೆ.
ಈ ಮದುವೆ ಹರ್ಯಾಣಾದ ಹಳ್ಳಿಯೊಂದರಲ್ಲಿ ನಡೆಯಲಿದ್ದು, ಸ್ವತಃ ಅಮೀರ್ ಆಗಮಿಸಿ ಮದುವೆಗೆ ನೆರವಾಗಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಚಿತ್ರೀಕರಣದ ಸಮಯದಲ್ಲೂ ಪೋಗಟ್ ಜತೆ ಅಮೀರ್ ಒಬ್ಬ ತಂದೆಯಂತೆ ಅನ್ಯೋನ್ಯವಾಗಿದ್ದರು. ಅವರ ಕಷ್ಟಗಳಿಗೆ ಯಾವುದಾದರೂ ರೂಪದಲ್ಲಿ ನೆರವಾಗಲು ತುಡಿಯುತ್ತಿದ್ದರು ಎನ್ನಲಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
