ಸಾಲುಸಾಲು ಹಿಟ್ ಚಿತ್ರಗಳು, ನೂರಾರು ಕೋಟಿ ಕಲೆಕ್ಷನ್ ಮೂಲಕ ಬಾಲಿವುಡ್‌ನಲ್ಲಿ ಬಾಕ್ಸಾಫೀಸ್ ಕಿಂಗ್ ಆಗಿರುವ ಸಲ್ಮಾನ್ ಖಾನ್ ಇದೀಗ ಭಾರಿ ಬಜೆಟ್ ಚಿತ್ರವನ್ನು ನಿರ್ಮಿಸುವ ಸಾಹಸಕ್ಕೆ ಕೈಹಾಕಿದ್ದಾರೆ. ಸಲ್ಮಾನ್ ಖಾನ್ ಪ್ರೊಡಕ್ಷನ್ ಲಾಂಛನದಲ್ಲಿ ಸುಮಾರು ರೂ.300 ಕೋಟಿ ವೆಚ್ಚದಲ್ಲಿ ಐತಿಹಾಸಿಕ ಚಿತ್ರವೊಂದನ್ನು ತೆರೆಗೆ ತರುತ್ತಿದ್ದಾರೆ.
1914ರಲ್ಲಿ ನಡೆದ ನೈಜ ಘಟನೆ ಆಧಾರವಾಗಿ ಈ ಚಿತ್ರ ಬರಲಿದೆಯಂತೆ. ಟೊರಂಟೋ ಉದ್ಯಮಿ ಭಾರತೀಯ ಅಜಯ್ ವೀರ್ಮಾಣಿಯೊಂದಿಗೆ ಕೈಜೋಡಿಸಿ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ ಸಲ್ಮಾನ್ ಖಾನ್.
ಇರ್ಫಾನ್ ಖಾನ್ ಈ ಚಿತ್ರದ ಹೀರೋ. ಈ ಚಿತ್ರದ ಬಗ್ಗೆ ಅಜಯ್ ವೀರ್ಮಾಣಿ ಮಾತನಾಡುತ್ತಾ, "ಆಗಿನ ಪರಿಸ್ಥಿತಿಯನ್ನು ಕಣ್ಣಿಗೆ ಕಟ್ಟುವಂತೆ ತೋರಿಸಲು ಭಾರಿ ಬಜೆಟ್‌ನೊಂದಿಗೆ ಈ ಚಿತ್ರವನ್ನು ನಿರ್ಮಿಸುತ್ತಿದ್ದೇವೆ. ಈ ಚಿತ್ರಕ್ಕೆ ಸಲ್ಮಾನ್ ಖಾನ್ ಸಹನಿರ್ಮಾಪಕ ಆಗಿರುವುದು ಸಂತಸ ತಂದಿದೆ. ಜಗತ್ತಿನಲ್ಲಿ ಈಗಲೂ ಜಾತಿ ಪದ್ಧತಿ ಇದೆ. ಆ ಪರಿಸ್ಥಿತಿಯನ್ನೇ ತೋರಿಸಲಿದ್ದೇವೆ. ಮುಂದಿನ ವರ್ಷ ಚಿತ್ರ ಸೆಟ್ಟೇರಲಿದೆ" ಎಂದಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
